خليكى على طبيعتك وبلاش تتصنعى !!

إذا كنتي وسط مجموعة بنات أو معز ومه فى فرح او عيد ميلاد او حفلة او على الغدا او العشا او غيرها تكلمي بصوت منخفض جداً يعني اخفضيه لإقصا حد

وتكلمي ببطء شديد ورقة وبنعومة ومططي الكلام قد ما تقدري

اجلسي على طرف الكرسي وحطي رجل على رجل ( طرف الكرسي مش رجل الكرسي) اه ربنا يسترك

سابلي عيونك وحركي رموشك كثير وحاولي كثير تنظري السقف .. ( بس خلي بالك لا يجيلك حول فى عينيكي)

لا تفتحين فمك كأنك عند دكتور أسنان وأنتي بتاكلي وخاصة اللبان (بلاش منه احسن)

إذا جات حاجة زى حشرة طائرة او زاحفة مثل الصرصار مثلا او برص على الحائط اعملى نفسك كأنك متعرضة لمحاولة اغتيال

اصررررخي واجرى وقولي يا ماااااامي يامامى (بدلع مش بعبط) اه ربنا يكرمك اذا كنتى عايزة تعطاسى خدى نفس عميق واكتمى العطسة بلييز عشان الرزاز ميجيش فى وش حد وان كان عندك برد وحتعمليها كل شوية حطى منديل على انفك وخلصينا وبلاش تكترى فى الكلام عشان العدوى الله يسترك بلاش تصنع خليكى طبيعتكبلاش تصنع خليكى طبيعتك
من ناحية اللبس البسي كل شي عليه صور دببه وقطط وارانب وفئران وحشرات واشكال والوان ... يعني دلوعه واهم حاجه تشتري دباديب وقلوب وصور ذئاب وكلاب ونمور و اطفال و الحجات الغريبه دى

بالنسبة للشعر متلميش شعرك ابدااا خليه يسترسل براحتة او حطى وردة حمرة وياريت وردة بلدى حقيقية عشان الرائحة الحلوة تفوح من شعرك ( وبلاش الجاز فى شعرك ) ربنا يكرمك اه احنا مش ناقصين

لما تمشي لا تمشي زي العسكري الاخضر ولاكأنك ماشيه فى جنازه لالا امشي بدلع ورقه وميلي يمين وشمال ولا تنظري امامك لا انظري فى الارض وارمي رمش عين خفيف زى رمش نعيمة الصغير او زينات صدقى للي جاى قدامك برضه بدلع ( وخلي بالك لا تقعي على الارض وتنكفى على وشك )